الجمعة، 15 أكتوبر، 2010

بوستات الفيس بوك البديل

الفيس بوك المصري البديل هيقدم لعبة جديدة اسمها شرم فيل

الفيس بوك المصري الجديد مش هيكون تابع لشركة جوجار العالمية والصور مش بتروح للإدارة العليا للموقع

الفيس بوك المصري الجديد هيكون أكتر أمانا .. هتدخل بالايميل وكلمة السر ورقم تصريح وزارة الداخليه

الفيس بوك المصري البديل هيكون أكبر صفحة فيه عنوانها: كلنا حبيب العادلى

الفيس بوك المصري الجديد .. خانة الآراء السياسية هتكون دروب داون مينيو

اقتراح لخدمة تتعمل في الفيس بوك المصري الجديد برو لأعضاء الحزب الوطن

هيطلع بعده على طول "إخوان بوك"

سوف يتم تغيير صورة البروفايل إلى صورة مبارك فى الرابع من مايو كل عام تلقائياً إحتفالاً بعيد ميلاده

الفيس بوك المصرى هيبقى اسمه وش الكتاب

حفل افتتاح موقع الفيس بوك المصري سيتم بحضور سيادة الرئيس محمد حسني مبارك


فى الفيس البوك المصرى الجديد، لو جيت تدخل على اى جروب معارضة، هاتلقى كف حُنين نزل على قفاك.

تمنع التجمعات في الفيس بوك المصري البديل إلا بتصريح أمني .. وأكبر عدد من الأصدقاء المتواجدون على الشات في نفس الوقت هو ثلاثه على ان يكون منهم واحد من مرتقب

الفيس بوك المصري البديل: خاصية إضافة كلمات: سيادتك وسعادتك وباشا وفندم بطريقة أوتوماتيكية قبل أسماء المسؤولين

سوف يتم إفتتاح الموقع وموجود به صفحة المعجبين بمبارك أكثر من 250 ألف وصفحة البرادعى 208 معجب فقط


اللى هتعمله شير ... لازم يتفتش الأول

المُستخدم اسمه مواطن و الجروب اسمه جمعيه

لابد من تصريح من وزارة التضامن و وزارة الداخلية قبل إنشاء أى جروب

عشان تعمل اكونت لازم تقف في طابور وتدفع رشوه

هايظهر فيديو اجبارى الصبح من مذيعين القنوات الحكومية السئيلة وها يحاولوا يفهمونا ان الحياة لونها بمبى وانا جمبك وانتا جمبى

سيب بطاقتك بره و خدها لما تطلع


بيقفل يوم الجمعة و يوم الخميس نص يوم

يتيح الفيس بوك البديل خاصية: "اديله قفا إلكتروني" كبديل عن خدمة بوك

هاتظهر نوت كل يوم من اسامة سرايا عشان يوضح سياسة مبارك الحكيمة فى قهر الشبكات الاجتماعية الاخرى

الفيس بوك المصري البديل الجروب ادمن حيبقابالتعيين لان ده تكليف مش تشريف

مافيش أى صفحة تبدأ بكلمة كلنا

في الفيس بوك المصري مبارك هيبقا هو الأب الافتراضي ولا يمكن تغييره لكل مشترك وكذلك سوزان هتبقا أم لكل مشترك

مش هتكتب أى نوتز الا ما نقراها الأول

الفبس بوك البديل من أجلك أنت

عشان تشترك في جروب لازم تجيب شهادة من اتنين موظفين وموافقه من رئيس الحى

اللى هيتمسك ب 2 أكونت يتعمله محضر

فى الفيس المصرى البديل ... النشيد الوطنى هيفتح أول ما تدخل

مصلحة الضرائب تحصل ضريبة عن كل جروب

لما الفيس بوك المصرى يقع هيطلع رسالة : فوت علينا بكرة

الفيس بوك البديل: المصريين هيزرعوا طماطم في فارم فيل

أى صفحه أو جروب يزيد عدد أعضاؤه عن ال 100 يتم تعيين أمين شرطه كأدمن إجبارى لمراقبة الأعضاء

You will find the terms of service already checked in the "I agree"

الفيسبوك البديل حيكون فيه قسم للمحجبات

الفيس بوك البديل: هيتعمل جروب لو جمعنا مليون مصري .. هنبقى نشوف بعديها هنعمل بيهم ايه

الفيس بوك المصري سيتم غلقه اثناء دخول الوزراء والقاده

الفوتينج هيكون اختيار واحد بس .. موافقه

عاجل: وائل عباس بيقول على تويتر إن فيه مؤامرة وإنه مش عارف يدخل على الفيس بوك البديل رغم إن بياناته صح

الفيسبوك البديل: عشان تعمل فيسبوك خارجي محتاج ترخيص من وزارة التعليم

الفيسبوك البديل: المبيدات بتاعة فارم فيل هتبقى مسرطنه

الفيسبوك هيشتريه البدوي ويرفد زوكربرج


الفيسبوك البديل: كل الجروبات هتقفل ساعة الصلاة

الفيسبوك البديل هيشتغل بالتوقيت الصيفي يوم آه ويومين ﻷ

الفيسبوك البديل هيطبق سياسة الاستخدام العادل. بعد عشر تعليقات تدفع

فى الفيسبوك المصرى ..ماينفعش تعمل بلوك لجيمى ولا ريموف

ﻓﻲ ﺍﻟﻔﺎﻳﺴﺒﻮﻙ ﺍﻟﺒﺪﻳﻞ ﺗﻌﻤﻞ ﺑﺮﻭﻓﺎﻳﻠﻚ ﺑﺎﻟﻮﺍﺳﻄﺔ

الفيس بوك المصري .. كل ماتعمل لايك لحاجة او تعمل كومنت . لازم تدفع بقشيش للسايس

الفيس بوك البديل : لو الباسورد اتسرقت تروح تعمل محضر وتدفع 200 جنيه والداخلية هترجعهالك وهيطلعوا هما اللى سرقينها

قانون الطوارئ على الفيس بوك: عمل بوست معارض لسياسة الحكومة = اعتقال على الحيطة لمدة ٣ أيام قابلة للتجديد

ﻓﻲ ﺍﻟﻔﺎﻳﺴﺒﻮﻙ ﺍﻟﺒﺪﻳﻞ ﻋﺸﺎﻥ ﺗﻘﺪﻡ ﻃﻠﺐ ﺍﺿﺎﻓﺔ ﺻﺪﻳﻖ ﻻﺯﻡ ﻳﻜﻮﻥ ﻋﻠﻴﻪ ﺧﺘﻢ ﺍﻟﻨﺴﺮ

اوعى تسيب رسايل حبيبتك في الإنبوكس ! ممكن الشاويش وهوا بيقلب يطلعهم على الوول وتبقى فضيحه

تيسيراً على الاخوه الناشطين والمدونين_سيتم إضافة خانات جديده عند الإشتراك خاصه بمقاسات الجسم لتوفير ملابس السجن الملائمه

فى الفيسبوك الجديد خالد سعيد مدمن وحرامى وابراهيم عيسى كداب وايمن نور وصولى ..وعبدالله كمال وممتازالقط معارضين شرفاء

الفيس بوك المصري هيبقى شعاره : نحكم عقلنا .. نشترك كلنا .. علشان مش هيبقى فيه سرفرات كفاية في مصر

الإشتراك في صفحة الحزب الوطني والأهرام والأخبار إجباري على كل مشترك .. وعدد 2 لايك لكل بوست وإلا سيتم رفده

أنباء عن براءة أكونت خاص بعضو الحزب الوطنى (فلان الفلانى) من تهمة الإستيلاء على أراضى من شارم فيل

في الفيس بوك البديل: البرادعي ممنوع من عمل جروبات أو صفحات .. إنه لأمر مشين
لا يمكنك تغيير حالتك الإجتماعية من سنجل إلى إن ريليشن شيب إلا بوجود شاهدين ! وصورة ضوئية من شهادة الزواج الموثقة

في الفيس بوك المصري لما تسجل لازم تمضي علي بيان ترشيح جمال زي اتفاقية المستخدم كده، وتبعت صورة منه

يمنع منعاً باتاً وجود صفحات معجبين لأي شخص , عدى الممثلين والمغنيين فقط ! والحاصلين على نوبل ماعدا البرادعى


وممكن وإنت داخل الأكونت بتاعك ، تلاقي ..لجنة ، وبطاقتك وإركن علي جنب يا كابتن

في الفيس بوك المصري .. ممكن تزرع بانجو في فارم فيل


يمنع منعاً باتاً رفع الفيديوهات التي تتعلق بالتعذيب والضرب والشتائم ! حفاظاً على أمن الوطن وسلامة بنائه


أول ماتدخل الفيس بوك يتم تحويلك تلقائيا لوول الرئيس مبارك لترك رسالة ترحيبية على صفحته

الفيس بوك البديل: طلعت مصطفى هيشتري حتة أرض كبيرة بالأمر المباشر في فارم فيل ويسميها حظيرتى

في الفيس بوك المصري : محمد حسان هيكفر أى حد مش هيشترك

في الفيس بوك امصري : وزارة التربية والتعليم هتقفل حسابات الطلبة أيام الامتحانات وأوقات الدراسه

في العيد ال30 لتوليه الحكم ..يتم تغيير جميع الصور الشخصية للبروفايلات إلى صورة الزعيم والقائد والثورة والستاتي و إلى : إخترناك

بطرس غالي هيعمل ضرايب ع المزروعات في فارم فيل

‏هناك 3 تعليقات:

  1. loooooooooooooooooooooooooooooooooooooooooooooooooooooooool
    قتلتني ضحك يا طارق
    :D
    بس اول لما ينزل فيس بوك مصري
    احنا هنعمل فيس بوك موازي :))

    ردحذف
  2. يا استاذ الكلام اللى حضرتك بتقوله ده يضحك وجميل بس يا ريت منتكلمش على حد من المشايخ ونضحك فى حدود الادب ولاحترام والشيخ محمد حسان ما بيكفرش حد وهو ماشى فى حدود الدين

    ردحذف
  3. انا قرات الموضوع متأخر شوية هههههههههههههه ... خلاص معدش في مبارك ولا اي حاجة اسمها العادي و عز و بطرس و الاسماء الغريبة دي .. يا ريت تعمل بقى توقع جديد .. اصل الايام السودا انتهوا

    ردحذف